ᑭᖑᕝᕕᐅᑎᑦᓴᐃᑦ/ᑲᔪᓯᙱᑦᑐᖃᖅᐸᑦ
ᐊᑭᑐᓗᐊᙱᑦᑐᑦ ᖃᖓᑦᑕᖅᑎᑕᐅᓯᒪᔪᓂ ᐃᓗᓕᕆᔭᐅᔪᓄᑦ ᐊᐅᓚᑦᓯᒍᑏᑦ ᑲᓲᒪᔾᔪᑎᓄᑦ
ᓄᑖᖅ ᐊᐅᓚᓂᐅᔪᖅ ᑲᓱᖅᑎᑦᓱᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐱᓇᓱᐊᕐᕕᓐᓄᑦ
InukNet ᐱᓕᕆᖃᑎᒌᑦᑐᖅᑕᓕᒃ ᖃᐅᔨᒪᔪᒻᒪᕆᓐᓂᒃ ᐊᑐᐃᓐᓇᐅᒪᔪᓂᒃ ᖃᓄᐃᒋᐊᕈᑎᖃᕐᓂᕐᒧᑦ ᑲᓲᒪᔾᔪᑎᓅᖓᔪᓄᑦ ᐃᓱᒫᓗᒋᔭᓐᓄᑦ ᑕᑯᑎᑦᓯᓗᑎᓪᓗ ᐃᓕᓐᓂᒃ ᐊᑲᐅᓂᖅᓴᒥᒃ ᐊᑐᐃᓐᓇᖃᕈᓐᓇᕐᓂᕐᒧᑦ ᖃᕆᑕᐅᔭᕐᒨᖓᔪᓂᒃ ᐊᑉᐸᓯᑦᑐᒥ ᓱᒃᑲᐃᓪᓯᒪᔪᑦ ᖁᑦᓯᑦᑐᓂᓪᓗ ᑕᒪᒃᑮᓐᓄᑦ, ᐊᑦᑕᓇᙱᑦᑐᑎᒍᑦ, ᑲᔪᓯᑦᓯᐊᕈᓐᓇᓂᖅᓴᒃᑯᑦ ᑲᓲᒪᓂᒃᑯᑦ. OneWeb−ᒧᑦ ᐃᖏᕐᕋᑎᑦᓴᐅᑎᒃ ᓄᑖᖑᓂᖅᐹᒧᑦ ᐊᑉᐸᓯᑦᑐᒧᑦ ᓄᓇᕐᔪᐊᑉ ᓯᓚᑖᓂ ᐊᕙᑎᒧᑦ (LEO) ᖃᖓᑦᑕᖅᑎᑕᐅᓯᒪᔪᒃᑯᑦ ᑐᓴᐅᒪᔾᔪᑎᓄᑦ ᑲᓲᒪᔾᔪᑏᑦ ᑲᓯᖅᑎᑦᓯᔪᑦ ᓄᑖᖅᑎᒍᑦ ᑲᓇᑕᒥ. InukNet ᐲᖅᓯᒪᔪᖅ ᐊᕝᕕᖅᑕᐅᔪᓂᒃ ᐊᑐᐃᓐᓇᖃᕐᓂᕐᒧᑦ ᓯᓚᐃᓐᓇᒃᑯᑦ ᑲᓲᒪᔾᔪᑎᓂᒃ ᓇᒥᑐᐃᓐᓇᑦᓯᐊᖅ ᑲᓇᑕᒥ ᓄᓇᕐᔪᐊᓕᒫᕐᒥᓗ.
ᖃᓄᖅ InukNet ᑲᓲᒪᓂᖃᖅᑎᑦᓯᒻᒪᖔᖅ
ᓴᐳᔾᔨᒍᑕᐅᓪᓗᑎᒃ ᖃᒥᑦᑐᓄᑦ ᐅᕝᕙᓘᓐᓃᑦ ᐱᔨᑦᓯᕋᐅᑏᑦ ᓄᖅᑲᐅᒥᓂᖏᓐᓄᑦ, InukNet ᑲᓲᒪᔾᔪᑏᑦ ᐋᖅᑭᑦᓯᒪᓂᖏᑦ ᑐᙵᕕᖃᖅᑐᑦ ᐊᐅᓚᓂᐅᔪᑦ ᑲᔪᓯᒍᓐᓇᕐᓂᖏᓐᓂᒃ ᐊᒻᒪᓗ ᐊᑭᓕᖅᑐᐃᔪᑦ ᐅᓂᒃᑳᖏᓐᓂᒃ ᐱᕕᖃᖅᑎᑦᓯᒍᑕᐅᑦᓱᑎᒃ ᐃᓄᓕᕆᐊᖑᔪᓂᒃ ᓱᖏᖅᑑᑎᖃᕈᓐᓇᕐᓂᕐᒥᒃ ᐱᔨᑦᓯᕋᐅᑎᓂᒃ ᐊᑐᐃᓐᓇᐅᑎᑕᐅᔪᓂᒃ ᐊᐅᓚᓂᖏᓐᓄᓪᓗ ᑖᒃᑯᐊ ᐱᔨᑦᓯᕋᐅᑏᑦ. ᐊᒻᒪᓗ, InukNet−ᑯᑦ ᐱᕈᖅᐸᓪᓕᐊᑎᑦᓯᔪᑦ ᓄᖅᑲᐅᒥᓂᕐᓂᒃ ᖃᓄᖅᑑᕈᑎᑦᑎᓐᓄᑦ ᒥᑭᓪᓕᑎᖅᑕᐅᖁᓪᓗᒋᑦ ᖃᒥᖃᑦᑕᕐᓂᐅᔪᑦ.
InukNet−ᑯᑦ SMARTSite ᐊᐅᓚᑕᐅᓂᖏᑦ ᑲᓲᒪᔾᔪᑎᓄᑦ ᐱᔨᑦᓯᕋᐅᑏᑦ ᐱᕈᖅᐸᓪᓕᐊᒍᑎᖃᖅᓯᒪᔪᑦ ᐃᓱᒪᒋᔭᐅᓯᒪᔪᒥᒃ ᓯᓚᐃᓐᓇᒃᑯᑦ ᑲᓲᒪᔾᔪᑎᓂᒃ ᐊᑐᐃᓐᓇᖃᕐᓂᖅ ᐱᓇᓱᐊᕐᕕᓐᓄᑦ ᐱᔭᕆᐊᓕᒃ ᐊᒻᒪᓗ ᐊᖅᑯᑕᐅᓗᑎᒃ SMARTSite ᐱᔨᑦᓯᕋᐅᑎᖏᑦ, ᐊᑑᑎᔪᑦ ᓇᓗᓇᐃᖅᑕᐅᓲᑦ ᕿᓚᒥᒃᑯᑦ ᓇᓗᓇᐃᖅᑕᐅᑐᐊᕐᒪᑕ ᖃᓄᖅᑑᕈᑕᐅᓕᖅᓱᑎᓪᓗ ᑭᖑᕙᖅᑲᑦᑕᐃᓕᑦᓱᑎᒃ.
ᐱᓇᓱᐊᕐᕕᖃᕐᓗᓂ, ᐊᐱᖅᑯᑎᑕᖃᕋᓕᒃ ᐃᒻᒥᒧᓄᑦ ᖃᓄᑎᒋ ᐊᑭᖃᖅᑲ ᐅᕙᑦᑎᓐᓄᑦ ᓂᐅᕕᖅᑎᑎᓐᓄᓪᓗ ᑲᓲᒪᔾᔪᑎᕗᑦ ᐃᖏᕐᕋᒍᓐᓇᐃᓪᓕᒐᐃᒻᒪᑦ? ᓴᓇᔭᐅᔪᑦ ᔭᒑᒍᓐᓇᖅᑐᑦ, ᐊᐅᓚᓂᐅᔪᖅ ᓱᒃᑲᐃᓂᖅᓴᐅᓗᓂ, ᐊᑕᖏᕐᓗᑎᒃ ᐊᔪᓕᑐᐃᓐᓇᐊᓖᑦ ᐊᑕᖏᕐᓗᑎᒃ ᐊᑉᐸᐹᓪᓕᕈᑕᐅᓗᓂ ᐱᓇᓱᐊᕐᕕᖓᑕ ᑐᓴᐅᒪᔭᐅᑦᓯᐊᕐᓂᖓᓄᑦ ᑖᒃᑯᐊ ᐅᖃᐅᓯᐅᔪᑦ ᐊᓯᖃᕋᓗᐊᕐᒥᑦᓱᑎᒃ. ᐃᒪᐃᓕᖓᓪᓚᕆᑦᑐᖅ ᑖᒃᑯᐊ ᐊᑭᒋᔭᐅᔪᑦ ᕿᓚᒥᐊᓗᒃ ᓄᐊᑉᐸᓪᓕᐊᒍᓐᓇᕐᒪᑕ ᑐᑭᓯᔭᐅᓯᒪᒋᐊᓖᑦ ᓯᕗᕐᖓᓂ ᑐᓂᒪᓂᐅᑉ ᑲᓲᒪᔾᔪᑎᓄᑦ ᐅᐸᓗᖓᐃᔭᐅᑎᓄᑦ. InukNet ᑐᑭᓯᓯᒪᔪᖅ ᐱᔭᕆᐊᓕᓐᓂᒃ ᑲᓲᒪᔾᔪᑎᓄᑦ ᐱᔨᑦᓯᕋᐅᑎᓂ, ᐅᐊᔭᒨᖅᑑᑉᐸᑕ, ᐱᓇᓱᐊᕐᕕᒻᒧᑦ ᑐᓴᐅᒪᔭᐅᑦᓯᐊᕐᓂᕐᒧᓪᓘᓐᓃᑦ.
- ᓱᖏᖅᑐᑎᑦᓴᖅ ᖃᖓᑦᑕᖅᑎᑕᐅᓯᒪᔪᖅ, ᐋᖅᑭᑦᓯᒪᔪᑦ ᐅᐊᔭᖃᙱᑦᑐᑦ, ᐊᒻᒪᓗ ᐅᐊᔭᑎᒍᑦ ᑲᓲᒪᔾᔪᑏᑦ.
- ᐃᓗᓕᕆᔭᐅᔪᓂᒃ ᐊᐅᓚᑦᓯᓂᖅ ᑲᓲᒪᔾᔪᑏᑦ ᑲᓲᒪᓂᖏᓐᓂᒃ ᒪᑭᒪᔭᐅᑦᓯᐊᕐᓗᓂ ᐃᖏᕐᕋᓂᖅ
- ᐅᖓᓯᑦᑐᒥᒃ ᐊᐅᓚᑕᐅᔪᑦ ᑲᓲᒪᔾᔪᑎᓄᑦ ᐱᔨᑦᓯᖃᐅᑏᑦ ᖃᐅᔨᓴᖅᑕᐅᑦᓯᐊᖏᓐᓇᖅᓱᑎᒃ, ᐅᓂᒃᑳᖑᑦᓱᑎᒃ, ᖃᐅᔨᒃᑲᐃᔾᔪᑎᖃᖅᓱᑎᓪᓗ ᐊᐅᓚᓂᐅᔪᓅᖓᔪᓂᒃ ᓯᓚᐃᓐᓇᒃᑯᑦ ᐊᑦᓱᖏᑦᓯᐊᖅᓯᒪᓂᕐᒨᖓᔪᓂᒃ.
- VoIP/PBX ᐅᖄᓚᐅᑎᓄᑦ ᐱᔨᑦᓯᕋᐅᑏᑦ ᐊᑐᐃᓐᓇᐅᑎᑦᓯᔪᑦ ᑐᓴᖅᓴᐅᑦᓯᐊᖅᑐᓂᒃ ᐅᖓᓯᑦᑐᐹᓘᔪᖃᕋᓗᐊᖅᐸᑦ
InukNet ᓯᓇᕐᔪᐊ
- ᐃᓗᓕᕆᔭᐅᔪᓂᒃ ᐊᐅᓚᑦᓯᓂᖅ ᑲᓲᒪᔾᔪᑏᑦ ᑲᓲᒪᓂᖏᓐᓂᒃ ᒪᑭᒪᔭᐅᑦᓯᐊᕐᓗᓂ ᐃᖏᕐᕋᓂᖅ
- ᐅᓂᒃᑳᓕᐅᕐᕕᐅᕙᑦᑐᑦ ᖃᐅᔨᒃᑲᖅᑕᐅᕙᑦᓱᑎᓪᓗ ᓂᐅᕕᖅᑎᐅᒧᑦ ᑕᖅᑭᑕᒫᑦ ᐊᐅᓚᑕᐅᑦᓯᐊᒃᑲᓐᓂᖁᓪᓗᒋᑦ ᑲᓲᒪᔾᔪᑏᑦ.
- ᐱᐅᓂᖏᑦ ᐱᔨᑦᓯᕋᐅᑏᑦ ᓯᕗᓪᓕᐅᔾᔨᔪᑦ ᑎᒥᒻᒪᕆᐅᔪᓂᒃ ᐊᓯᖏᑦᑕ ᑎᒥᐅᔪᑦ ᓴᓂᐊᓂ.
- ᓇᓗᓇᐃᔭᖅᓯᒪᔪᑦ ᐅᓂᒃᑳᑦ ᐱᖃᓯᐅᔾᔨᔪᑦ ᐊᑐᖅᑕᐅᓂᕐᒧᑦ ᐅᓂᒃᑳᑦ, ᐃᓗᓕᖏᑦ, ᖃᓄᐃᑦᑑᓂᖏᓪᓗ ᐃᖏᕐᕋᔪᑦ. ᐊᒻᒪᓗ, ᓯᓚᐃᓐᓇᒃᑯᑦ ᐊᑦᓱᖏᖅᓯᒪᑦᓯᐊᕐᓂᕐᒧᑦ ᐅᓂᒃᑳᑦ ᖃᐅᔨᓴᖅᑕᐅᔪᑦ ᐊᐅᓚᓂᖏᓐᓂ, ᐃᑖᖅᑕᐅᒐᓱᐊᖃᑦᑕᕐᓃᑦ ᐊᒻᒪᓗ ᐃᑖᖅᑕᐅᓃᑦ.
- ᑲᓲᒪᔾᔪᑏᑦ ᐋᖅᑭᑦᓯᒪᖓᓂᑦ ᐊᑐᓕᖅᑎᑕᐅᓂᕐᓗ ᐱᕙᓪᓕᖁᓪᓗᒍ ᐊᐅᓚᓂᐅᔪᖅ ᑲᓲᒪᔾᔪᑎᓄᑦ ᓯᓚᐃᓐᓇᒃᑯᓪᓗ ᐊᑦᓱᖏᖅᓯᒪᑦᓯᐊᕐᓂᖅ.