ᑮᓇᐅᔭᓕᐅᕋᓱᐊᕐᕖᑦ
InukNet−ᑯᑦ ᐊᑐᐃᓐᓇᐅᑎᑦᓯᔪᑦ ᓱᑲᑦᑐᒻᒪᕆᓐᓂᒃ ᑲᓲᒪᔾᔪᑎᓄᑦ ᑲᓱᕈᑎᓂᒃ ᐊᔾᔨᒌᙱᑦᑐᓄᑦ ᐅᖓᓯᑦᑐᒥᒃ ᑮᓇᐅᔭᓕᐅᕋᓱᐊᕐᕕᓐᓄᑦ ᐱᓇᓱᐊᕐᕕᓐᓄᑦ: ᐊᖏᔪᑦ ᓱᓇᑐᐃᓐᓇᕐᓅᖓᔪᑦ ᑲᒻᐸᓂᐅᔪᑦ, ᐅᖅᓱᐊᓗᑦᑖᕐᕖᑦ, ᑐᔪᕐᒥᕖᑦ, ᐊᒻᒪᓗ ᓱᓇᑐᐃᓐᓇᓕᐅᕐᕖᑦ. ᐅᓪᓗᒥ ᐱᓇᓱᐊᕐᕕᐅᔪᑦ ᐱᔭᕆᐊᖃᕐᒪᑕ ᐊᖏᔪᓂᒃ ᐃᓗᓕᖃᕈᓐᓇᖅᑐᓂᒃ, ᓱᖏᖅᑑᑎᑦᓴᐅᔪᓂᒃ ᑲᓱᕐᕕᓐᓂᒃ ᐊᐅᓚᓂᖃᖅᐸᑕ ᓄᓇᓕᐸᐅᔭᕐᓂ ᐅᖓᓯᑦᑐᒥᓘᓐᓃᑦ ᑲᓇᑕᒥ. ᐃᓗᓕᖏᑦᑕ ᐊᐅᓚᓂᑕᐅᓂᖏᑦᑎᒍᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᐱᔨᑦᓯᕋᐅᑏᑦ InukNet−ᑯᑦ ᐊᑐᐃᓐᓇᐅᑎᑦᓯᒍᓐᓇᖅᑐᑦ ᐱᔪᓐᓇᕐᓂᐅᒋᐊᓕᓐᓂᒃ ᑎᑭᐅᑎᒍᑕᐅᓗᑎᒃ ᐊᐅᓚᓂᕐᒧᑦ ᐱᔭᕆᐊᓕᓕᒫᓄᑦ ᐱᓇᓱᐊᕐᕕᓕᒫᓄᑦ ᐊᐅᓚᓂᖃᖅᑐᓄᑦ ᐅᖓᓯᑦᑐᒥ.
ᑮᓇᐅᔭᓕᐅᕋᓱᐊᕐᓂᕐᒧᑦ ᐱᓇᓱᐊᕐᕖᑦ ᒪᑯᐊ ᑐᔪᕐᒥᕖᑦ, ᐊᖏᔫᑏᑦ ᓱᓇᑐᐃᓐᓇᓕᕆᔩᑦ ᑲᒻᐸᓂᐅᔪᑦ, ᐅᖅᓱᐊᑦᑖᕐᕖᑦ, ᐊᒻᒪᓗ ᓱᓇᑐᐃᓐᓇᓕᐅᕐᕖᑦ ᑲᓱᕆᐊᖃᕐᒪᑕ ᐃᓂᒋᔭᒥᓐᓄᑦ ᓱᑲᑦᑐᓂᒃ ᐊᑐᕐᓗᑎᒃ ᓯᓚᑖᓃᒐᔪᒻᒪᑕ ᐅᐊᔭᓖᑦ/ᐅᐊᔭᖃᙱᑦᑐᑦ. InukNet−ᑯᑦ ᐊᑐᐃᓐᓇᑎᑦᓯᒍᓐᓇᖅᑐᑦ ᓲᒪᔾᔪᑎᓂᒃ ᐊᑕᖏᖅᑐᓄᑦ ᐃᓗᓕᖅᑐᔪᒥᒃ ᑐᓴᐅᒪᖃᑦᑕᐅᑎᖃᑎᖃᕐᓗᑎᒃ ᐃᖅᑲᐃᔭᕐᕕᒻᒥᒃ ᐃᓚᒥᓂᓪᓘᓐᓃᑦ ᓯᓚᐃᓐᓇᒃᑯᑦ ᑲᓲᒪᔾᔪᑎᒃᑯᑦ ᐅᖄᓚᐅᑎᒃᑯᓪᓗᑦ ᐱᔨᑦᓯᕋᖅᑕᐅᓂᒃᑯᑦ. 24/7 ᑲᓲᒪᔾᔪᑏᑦ ᑲᓱᕈᓐᓇᖅᑐᑦ ᖃᐅᑕᒫᑦ ᐊᓪᓛᑦ ᐅᖓᓯᑦᑐᓂ ᑲᓇᑕᒥ. ᐱᕚᓪᓕᖅᓯᒪᔪᖅᑎᒍ ᑲᓲᒪᔾᔪᑏᑦ ᑎᑎᖅᑑᔭᖅᑕᐅᓯᒪᓂᖏᓐᓄᑦ, ᐊᑐᓕᖅᑎᑕᐅᓂᖏᓐᓄᑦ, ᖃᐅᔨᓴᖅᑕᐅᓂᖏᓐᓄᑦ ᐅᓂᒃᑳᓕᐅᕐᓂᐅᔪᓄᓪᓗ, InukNet ᐊᑐᐃᓐᓇᐅᑎᑦᓯᒍᓐᓇᖅᑐᖅ ᐊᑦᓱᖏᖅᓯᒪᑦᓯᐊᖅᑐᓂᒃ, ᓱᖏᖅᑑᑎᑦᓴᐅᔪᓂᒃ, ᐱᐅᔪᒻᒪᕆᓐᓂᓪᓗ ᐊᑐᖅᑎᓄᑦ ᐊᑑᑎᔭᐅᒍᓐᓇᖅᓱᑎᒃ ᐃᓄᓕᕆᐊᖑᔪᓄᑦ ᑖᒃᑯᓄᖓ ᐱᔨᑦᓯᕋᐅᑎᓂᑦ ᐳᓚᑦᓯᓐᓈᕐᓗᑎᒃ ᐅᖓᓯᑦᑐᒥ ᑐᔪᕐᒥᕕᒻᒧᑦ ᑲᑎᒪᕕᕐᔪᐊᕐᒧᓪᓘᓐᓃᑦ. ᐱᐅᓂᖅᐹᓂᒃ ᑎᒍᓯᓂᖅ ᑕᒪᒃᑮᓐᓂᒃ, ᐅᖓᓯᑦᑐᒥ ᓯᓚᑐᐃᓐᓇᕐᒥ ᐊᑑᑎᓗᓂ ᓱᓕᓗ ᓇᓗᓇᐃᔭᕈᓐᓇᕐᓗᒍ ᐊᑑᑎᔪᖅ ᐃᓚᒥᓄᑦ ᐱᖃᓐᓇᕆᔭᒥᓄᓪᓗ ᓄᓇᓕᐸᐅᔭᕐᓃᑦᑐᓄᑦ ᐊᐅᓚᔫᓕᐅᕈᑏᑦ ᑲᓲᒪᒍᓐᓇᑦᓯᐊᕐᓂᖏᑦᑎᒍᑦ.
ᖃᓄᖅ InukNet ᑲᓲᒪᓂᖃᖅᑎᑦᓯᒍᓐᓇᕐᒪᖔᖅ
InukNet ᓱᓕᔪᒥᒃ ᑲᓲᒪᓂᖃᖅᑎᑦᓯᔪᖅ ᐱᔨᑦᓯᖅᓱᑎᒃ ᓯᓈᓂᒃ, ᓯᓈᓄᑦ, ᓯᓈᓄᑦ. ᐃᓗᓕᕆᔭᐅᔪᑦ ᐊᐅᓚᑕᐅᑦᓱᑎᒃ ᖃᖓᑦᑕᖅᑎᑕᐅᓯᒪᔪᒃᑯᑦ ᐊᑐᐃᓐᓇᖃᖅᓱᑎᒃ ᐊᒥᓱᓂᒃ ᖃᖓᑦᑕᖅᑎᑕᐅᓯᒪᔪᓂᒃ ᓄᐊᕐᔅ ᐊᒥᐊᕆᑲ ᐃᑳᖅᓱᒍ, ᐊᒥᓱᓂᓪᓗ ᖃᕆᑕᐅᔭᒃᑰᕈᓐᓇᐅᑎᓂᒃ ᐃᓕᓯᕕᐅᓯᒪᑦᓱᑎᒃ. ᐱᓇᓱᐊᕐᕕᒋᔭᐃᑦ ᐅᖓᓯᑦᑐᒦᒃᑲᓗᐊᖅᐸᑦ, ᓈᒻᒪᑦᑐᒥᒃ ᖃᓄᖅᑑᕈᑎᑦᓴᖃᖅᑐᒍᑦ ᐊᑐᐃᓐᓇᐅᑎᑦᓯᓂᕐᒧᑦ ᖃᕆᑕᐅᔭᒃᑰᕈᑎᓂᒃ ᓱᑲᓐᓂᕆᒍᒪᔭᓐᓂᓪᓗ ᐱᓇᓱᐊᕐᕕᓐᓅᕕᑦ.
InukNet ᐊᑐᐃᓐᓇᐅᑎᑦᓯᔪᖅ ᓱᖏᖅᑑᑎᑦᓴᐅᔪᓂᒃ ᑲᔪᓯᓂᖃᖅᑐᓂᓪᓗ ᑲᓲᒪᓂᐅᔪᓂᒃ ᐋᖅᑭᓱᖅᑕᐅᓯᒪᔪᒥᒃ ᐃᑲᔪᖅᑐᖅᑕᐅᑦᓱᑎᓪᓗ ᐱᕕᓕᒫᒃᑯᑦ. InukNet ᐊᑐᐃᓐᓇᐅᑎᑦᓯᔪᖅ ᓱᖏᖅᑑᑎᑦᓴᓪᓚᕆᓐᓂᒃ ᐃᓗᓕᕆᔭᐅᔪᑦ ᐊᐅᓚᑕᐅᓪᓗᓂ ᖃᖓᑦᑕᖅᑎᑕᐅᓯᒪᔪᖅᑎᒍᑦ ᐊᑐᐃᓐᓇᐅᑎᑦᓯᑦᓱᑎᒃ ᓴᖅᑮᒍᓐᓇᕐᓂᕐᒧᑦ ᑲᓲᒪᔾᔪᑎᓄᑦ ᐃᓗᓕᕆᔭᐅᔪᓂᒃ ᐊᔾᔨᒌᙱᑦᑐᓄᑦ ᐊᖅᑯᓵᖅᑐᓄᑦ. ᐊᑐᕐᓂᖅ ᐱᐅᔪᒻᒪᕆᒻᒥᒃ ᐱᔨᑦᓯᕋᐅᑎᒥᒃ ᑲᓱᖅᑎᑦᓯᓂᖅ ᑎᒥᒻᒪᕆᐅᔪᓂᒃ ᐊᖅᑯᓲᓵᖅᑐᓂᒃ ᐊᓯᖏᓐᓂᓘᓐᓃᑦ ᐊᖅᑯᓵᖅᑐᓂᒃ ᑎᑭᐅᑎᓂᐊᖅᑐᑦ ᐅᐸᒋᐊᓕᒻᒥᓄᑦ ᖁᓚᕐᓇᕋᑎᒃ. InukNet ᐃᓚᒍᑦᓯᐅᔾᔨᒍᓐᓇᖅᑐᖅ ᖃᖓᑦᑕᖅᑎᑕᐅᓯᒪᔪᑦ ᐅᓇᕈᑎᓂᒃ ᐅᐊᔭᑎᒍᓪᓗ ᑲᓲᒪᔾᑎᓂᒃ ᐊᑐᐃᓐᓇᐅᑎᑦᓯᒍᑕᐅᓗᓂ ᐱᔭᕆᐊᓕᓐᓂᒃ ᑲᓲᒪᓂᕐᒨᖓᔪᓂᒃ ᐅᖓᓯᑦᑐᒥ, ᐃᓄᖃᙱᑦᑐᒥ ᐅᕝᕙᓘᓐᓃᑦ ᓄᓇᓕᐸᐅᔭᕐᓂ ᐱᕕᖃᖅᓱᑎᓪᓗ InukNet ᓴᖅᑮᒍᓐᓇᖅᓱᑎᒃ ᐋᖅᑭᓱᖅᑕᐅᓯᒪᔪᓂᒃ ᖃᓄᖅᑑᕈᑎᓂᒃ ᑎᑭᐅᑎᒋᐊᕐᓗᑎᒃ ᑭᙴᒪᒋᔭᓐᓅᕕᑦ.
ᐃᖏᕐᕋᓯᑎᑕᐅᓂᖓᒍᑦ One Web ᑐᑭᓯᒪᐅᔭᕆᐊᓖᑦ ᒪᓂᒪᑎᑦᓯᔪᑦ ᐊᐅᓪᓛᐸᓪᓕᐊᓂᕐᒧᑦ ᑐᑭᓯᒪᐅᔭᕆᐊᓕᓐᓄᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᑲᓲᒪᓂᖅ ᒥᑭᓪᓕᑎᕆᑦᓱᓂ ᓄᖅᑲᐅᒥᖓᓂᕐᒥᒃ 80%−ᒨᖓᔪᓂᒃ ᐱᕚᓪᓕᖅᓱᓂᓗ ᐊᐅᓚᓂᖓ ᐃᓘᓐᓈᒍᑦ ᐱᔪᓐᓇᕐᓂᖓᓗ. InukNet ᓯᕗᓕᖅᑐᑦ ᐊᑐᓕᖅᑎᑦᓯᑦᓱᑎᒃ OneWeb−ᒥᒃ ᑲᓇᑕᒥ.
ᐊᖅᑯᑕᐅᑦᓱᑎᒃ SMARTSite−ᑯᓐᓄᑦ ᐊᐅᓚᑦᓯᓂᕐᒧᑦ ᐱᔨᑦᓯᕋᐅᑏᑦ InukNet−ᑯᑦ ᐊᑐᐃᓐᓇᐅᑎᑦᓯᒍᓐᓇᖅᑐᑦ ᐅᖓᓯᑦᑐᒥᒃ ᐊᐅᓚᑦᓯᓂᕐᒥᒃ ᐅᓂᒃᑳᓕᐅᕐᓂᕐᒥᓪᓗ ᑖᒃᑯᐊ ᖃᓄᐃᑦᑑᓂᖏᓐᓂᒃ ᑲᓲᒪᔾᔪᑏᑦ. InukNet ᐊᐅᓚᑦᓯᒍᓐᓇᖅᑐᑦ ᐃᓘᓐᓇᖏᓐᓂᒃ ᑲᓲᒪᔾᔪᑎᓄᑦ ᐋᖅᑭᐅᒪᔾᔪᑎᓂᒃ, ᐊᑐᐃᓐᓇᐅᑎᑦᓯᓗᑎᒃ ᑲᓲᒪᔾᔪᑎᓂᒃ ᓯᓚᐃᓐᓇᕐᒥᓗ ᖃᐅᔨᓴᕈᑎᓂᒃ. ᓯᓚᐃᓐᓇᒃᑯᑦ ᑲᓲᒪᔾᔪᑏᑦ ᐃᑖᖅᑕᐅᓂᐅᓴᑎᓪᓗᒋᑦ ᓄᓇᕐᔪᐊᕐᓕᒫᒥ ᓱᓇᒃᑯᑏᓪᓗ ᓱᕋᑦᑕᐅᒐᓱᐊᖅᐸᑦᓱᑎᒃ ᓄᓇᓕᕐᔪᐊᓄᑦ ᐃᑖᕋᓱᐊᖅᑐᓄᑦ InukNet ᐊᑐᐃᓐᓇᐅᑎᑦᓯᒍᓐᓇᖅᑐᖅ ᖃᐅᔨᒃᑲᖅᓵᕆᔾᒧᑎᓂᒃ ᓯᓚᐃᓐᓇᕐᒥᒃᕐ ᐊᑦᓱᖏᖅᓯᒪᓂᕐᒧᑦ ᐊᐅᓚᓂᐅᔪᓄᑦ ᐊᑑᑎᕙᓪᓕᐊᔪᓄᑦ ᐊᒻᒪᓗ ᓱᓇᒃᑯᑎᑎᒍᑦ ᐃᑖᖅᑕᐅᒐᓱᐊᕐᓂᕐᒧᑦ. InukNet ᑐᑭᓯᓯᒪᔪᖅ ᐊᑑᑎᖃᕐᓂᖓᓂᒃ ᑲᑎᑎᑦᓯᓯᒪᓂᖅ ᑲᓲᒪᔾᔪᑎᓂᒃ ᐱᕚᓪᓕᕈᑕᐅᓪᓗᓂ ᓴᐳᑎᔭᐅᓂᖏᓐᓄᑦ ᖃᕆᑕᐅᔭᐃᑦ ᑎᒥᒻᒪᕆᐅᔪᓄᓪᓗ ᑲᑎᖅᓱᖅᓯᒪᔪᑦ ᐃᖅᑲᓇᐃᔭᖃᑎᖃᑦᓯᐊᕐᓗᑎᓪᓗ ᑲᓲᒪᔾᔪᑎᓂᒃ ᑎᑎᖅᑑᔭᖅᑎᓂᒃ ᓴᐳᔾᔨᓗᑎᓪᓗ ᐱᕚᓪᓕᑎᑦᓯᓗᑎᓪᓗ ᓯᓚᐃᓐᓇᕐᒥ ᐊᑦᓱᖏᖅᓯᒪᓂᕐᒥᒃ.
ᐊᑑᑎᖃᖅᑐᑦ ᖃᓄᖅᑑᕈᑎᑦᓴᐃᑦ ᑮᓇᐅᔭᓕᐅᕋᓱᐊᓂᕐᒧᑦ ᐱᓇᓱᐊᕐᕕᓐᓅᕕᑦ
InukNet ᐊᑐᐃᓐᓇᐅᑎᑦᓯᓲᖅ ᑲᓇᑕᒥ ᓯᕗᓕᖅᑐᓄᑦ ᐱᓇᓱᐊᕐᕕᓐᓄᑦ ᐊᑭᓕᖅᑐᐃᔨᐅᔪᓄᑦ ᐊᑕᖏᖅᑐᓂᒃ ᐅᖓᓯᑦᑐᒥᒃ ᑐᓴᐅᒪᖃᑦᑕᐅᑎᔾᔪᑎᓄᑦ ᖃᓄᖅᑑᕈᑎᓂᒃ. ᐊᑦᓱᕈᓪᓚᕆᑉᐸᑦᑐᒍᑦ ᑐᑭᓯᓯᒪᒐᓱᐊᖅᓱᑕ ᓂᐅᕕᖅᑎᖁᑎᑦᑕ ᑭᙴᒪᒋᔭᖏᓐᓂᒃ ᐅᐊᔭᒨᖅᑐᓂᓪᓗ ᖃᓄᖅᑑᕈᑕᐅᒋᐊᓕᓐᓂᒃ ᑲᔪᓯᑎᓪᓗᒋᑦ ᐱᐅᓂᖅᐹᑦ ᐊᑑᑎᔭᐅᒍᓐᓇᖅᑐᑦ (QoE) ᖃᐅᔨᓴᑦᓯᐊᕈᑎᒋᓗᒍ ᑎᑭᐅᑎᑦᓯᐊᕋᓗᐊᕐᒪᖔᑕ ᑮᓇᐅᔭᖅᑑᑎᑦᓴᓄᑦ ᐱᕕᖃᕐᓂᐅᔪᓄᓪᓗ.
ᐱᔨᑦᓯᕋᐅᑏᑦ ᐊᑐᐃᓐᓇᐅᑎᑕᕗᑦ
- ᓱᖏᖅᑑᑎᑦᓴᐅᔪᑦ ᖃᖓᑦᑕᖅᑎᑕᐅᓯᒪᔪᑦ, ᐆᓇᕈᑏᑦ, ᐅᐊᔭᐃᓪᓗ ᑲᓲᒪᔾᔪᑏᑦ.
- ᐃᓗᓕᕆᔭᐅᔪᓂᒃ ᐊᐅᓚᑦᓯᓂᖅ ᑲᓲᒪᔾᔪᑏᑦ ᑲᓲᒪᓂᖏᓐᓂᒃ ᒪᑭᒪᔭᐅᑦᓯᐊᕐᓗᓂ ᐃᖏᕐᕋᓂᖅ
- ᐅᖓᓯᑦᑐᒥᒃ ᐊᐅᓚᑕᐅᔪᑦ ᑲᓲᒪᔾᔪᑎᓄᑦ ᐱᔨᑦᓯᕋᐅᑏᑦ ᖃᐅᔨᓴᖅᑕᐅᑦᓯᐊᖅᓱᑎᒃ, ᐅᓂᒃᑳᓕᐊᖑᕙᑦᓱᑎᒃ, ᖃᐅᔨᒃᑲᖅᓵᕆᒍᑎᖃᖅᓱᑎᓪᓗ ᐊᐅᓚᓂᐅᔪᓄᑦ ᓯᓚᐃᓐᓇᕐᒥᓗ ᐊᑦᓱᖏᖅᓯᒪᓂᕐᒨᖓᔪᓄᑦ.
- VoIP/PBX ᐅᖄᓚᐅᑎᒃᑯᑦ ᐱᔨᑦᓯᕋᐅᑎᖏᑦ ᐊᑐᐃᓐᓇᐅᑎᑦᓯᔪᑦ ᑐᓴᖅᓴᐅᑦᓯᐊᖅᑐᓂᒃ ᐊᓪᓛᑦ ᐅᖓᓯᓐᓂᖅᐹᒦᑦᑐᓄᑦ
InukNet ᐊᔾᔨᐅᖏᔾᔪᑎᖓ
- ᐃᓗᓕᕆᔭᐅᔪᓂᒃ ᐊᐅᓚᑦᓯᓂᖅ ᑲᓲᒪᔾᔪᑏᑦ ᑲᓲᒪᓂᖏᓐᓂᒃ ᒪᑭᒪᔭᐅᑦᓯᐊᕐᓗᓂ ᐃᖏᕐᕋᓂᖅ
- ᐅᓂᒃᑳᓕᐅᖃᑦᑕᖅᑐᑦᖅ ᖃᐅᔨᒃᑲᖅᓵᕆᒍᑎᖃᖅᓱᑎᓪᓗ ᐊᑭᓕᖅᑐᐃᔪᓄᑦ ᑕᖅᑭᑕᒫᑦ ᐱᐅᓂᖅᓴᒥᒃ ᐊᐅᓚᑕᐅᖁᓪᓗᒋᑦ ᑲᓲᒪᔾᔪᑏᑦ.
- ᓇᓗᓇᐃᔭᖅᓯᒪᔪᑦ ᐅᓂᒃᑳᑦ ᐱᖃᓯᐅᔾᔨᔪᑦ ᐊᑐᖅᑕᐅᓂᕐᒧᑦ ᐅᓂᒃᑳᑦ, ᐃᓗᓕᖏᑦ, ᖃᓄᐃᑦᑑᓂᖏᓪᓗ ᐃᖏᕐᕋᔪᑦ. ᐊᒻᒪᓗ, ᓯᓚᐃᓐᓇᒃᑯᑦ ᐊᑦᓱᖏᖅᓯᒪᑦᓯᐊᕐᓂᕐᒧᑦ ᐅᓂᒃᑳᑦ ᖃᐅᔨᓴᖅᑕᐅᔪᑦ ᐊᐅᓚᓂᖏᓐᓂ, ᐃᑖᖅᑕᐅᒐᓱᐊᖃᑦᑕᕐᓃᑦ ᐊᒻᒪᓗ ᐃᑖᖅᑕᐅᓃᑦ.
- ᑲᓲᒪᔾᔪᑏᑦ ᐋᖅᑭᑦᓯᒪᓂᖏᑦ ᐊᑐᓕᖅᑎᑕᐅᓂᓪᓗ ᐱᕚᓪᓕᖁᓪᓗᒋᑦ ᐃᖏᕐᕋᓂᐅᔪᑦ ᐊᖅᑯᑕᐅᓪᓗᑎᒃ ᑲᑎᓯᒪᔪᑦ ᑲᓲᒪᔾᔪᑏᑦ ᐊᒻᒪᓗ ᓯᓚᐃᓐᓇᕐᒥ ᐊᑦᓱᖏᖅᓯᒪᑦᓯᐊᕐᓂᖅ.
- ᐱᐅᔫᓂᖏᑦ ᐱᔨᑦᓯᕋᐅᑏᑦ ᓯᕗᓪᓕᐅᔾᔨᓗᑎᒃ ᑎᒥᒻᒪᕆᐅᔪᓂᒃ ᐃᖏᕐᕋᔪᓂᒃ ᐊᓯᖏᑦᑕ ᐃᖏᕐᕋᔪᑦ ᓴᓂᐊᓂ.
- ᐃᕕᖅᑎᕈᓐᓇᖅᑐᖅ ᐋᖅᑭᑦᓯᒪᓂᖏᑦ ᐊᑐᓕᖅᑎᑕᐅᓂᖏᓪᓗ ᑎᑭᐅᑎᒋᐊᕐᓗᑎᒃ ᐊᔾᔨᒌᙱᑦᑐᓄᑦ ᑭᙴᒪᒋᔭᐅᔪᓄᑦ ᖁᑦᓯᓕᕇᑦᑐᓕᒫᓄᑦ ᒐᕙᒪᓂ
ᐱᒋᐊᓕᑎᑦ ᑭᖑᓪᓕᖅᐹᒥ ᐱᕙᓪᓕᐊᑎᑕᐅᓯᒪᔪᑦ
InukNet ᐊᑐᐃᓐᓇᐅᑎᑦᓯᓲᖅ ᑲᓇᑕᒥ ᓯᕗᓕᖅᑐᓄᑦ ᐱᓇᓱᐊᕐᕕᓐᓄᑦ ᐊᑭᓕᖅᑐᐃᔨᐅᔪᓄᑦ ᐊᑕᖏᖅᑐᓂᒃ ᐅᖓᓯᑦᑐᒥᒃ ᑐᓴᐅᒪᖃᑦᑕᐅᑎᔾᔪᑎᓄᑦ ᖃᓄᖅᑑᕈᑎᓂᒃ. ᐊᑦᓱᕈᓪᓚᕆᑉᐸᑦᑐᒍᑦ ᑕᑭᓯᒐᓱᐊᖅᓱᑎᒋᑦ ᐊᑭᓕᖅᑐᐃᔨᖁᑎᒋᔭᑦᑕ ᑭᙴᒪᒋᔭᖏᑦ ᐅᐊᔭᒨᖅᑐᓄᓪᓗ ᖃᓄᖅᑑᕈᑎᑦᓴᐃᑦ ᑲᔪᓯᑎᑦᓯᒍᑕᐅᓪᓗᓂ ᐱᐅᓂᖅᐹᓂ ᐊᑑᑎᔭᐅᒍᓐᓇᖅᑐᓂᒃ (QoE) ᖃᐅᔨᓴᑦᓯᐊᖅᓱᑕ ᑎᑭᐅᑎᓯᒪᑦᓯᐊᕋᓗᐊᕐᒪᖔᑕ ᑮᓇᐅᔭᖅᑑᑎᑦᓴᓄᑦ ᐱᕕᖃᕐᓂᐅᔪᓄᓪᓗ.
ᐃᓗᓕᕆᔭᐅᔪᑦ ᑎᑎᕋᖅᓯᒪᔪᓄᑦ
Panartctic Communications and Galaxy Broadband Communications form new Arctic Telecom Company
OneWeb ᓂᐅᕕᐊᖑᔪᓂᒃ ᑎᑎᕋᕐᕕᒃ
SmartSite ᓂᐅᕕᐊᖑᔪᓂᒃ ᑎᑎᕋᕐᕕᒃ
